Axmed C. Xaabsade oo loo magacaabay wasiirka warfaafinta ee Somaliland.

Hargeysa, jan 15 – Wareegto ka soo baxday madaxtooyada Somaliland ayaa lagu magacaabay 2 wasiir, halka 2 wasiirna xilalkii laga qaaday, 2 kalena laga badelay xilalkii ay hayeen.

Wareegtada ayaa u dhignayd sidan:

Madaweynaha Somaliland Axmed Maxamed Maxamuud ‘Siilaanyo’

– Markuu Arkay: Qodobka 90aad, faqradiisa (2)aad ee Dastuurka Jamhuuriyadda Somaliland,
– Markuu Tixgeliyey: Ahmiyadda wayn ay Wasaaraduhu u leeyihiin Dalka iyo Dhismaha Qaranka,
– Markuu Arkay: In baahi loo qabo buuxinta jagooyinkan hoos ku xusan,
– Markuu Ka Fiirsaday: Kartidooda, aqoontooda iyo hufnaantooda shaqo,
– Markuu ku Qancay: In ay hanan karaan xilalka loo magacaabay.

Wuxuu go?aansaday in:

1. Axmed Cabdi Xaabsade, laga bilaabo taariikhda maanta uu ahaado Wasiirka Warfaafinta & Wacyigelinta ee JSL,

2. Dr. Cabdi Aw Daahir Cali, laga bilaabo taariikhda maanta uu ahaado Wasiirka Xanaanada Xoolaha, Deegaanka & Horumarinta Reer Miyiga ee JSL.

3. Dr. Axmed Xaashi Oday, oo hore u ahaa Wasiirka Xanaanada Xoolaha, Deegaanka & horu-marinta Reer Miyiga laga Bilaabo Maanta uu ahaado Wasiirka Boosaha & Isgaadhsiinta ee JSL,

4. Cabdilaahi Jaamac Cismaan (Geeljire), oo hore u ahaa Wasiirka Warfaafinta & Wacyigelinta laga bilaabo maanta uu ahaado Wasiirka Kalluumaysiga & Khayraadka Badda ee JSL.

Waxaa xilalka wasiirnimo laga qaaday:

1. Wasiirkii Kalluumaysiga & Khayraadka Badda, Dr. Maxamed Yaasiin Xasan, iyo

2. Wasiirkii Boosaha & Isgaadhsiinta, C/risaaq Ibraahim Maxamed.

Diiwaanka Wararka,
Idaacada Daljir.

Daljir.com

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com