Caption ...
Dhuuso-marreeb, June 14- Shir ay iskugu yimaadeen maamullada degmooyin uu ka arrimiyaan ururka Ahlu-sunna waljameeca ee gobollada Galgaduud iyo Hiiraan ayaa lagu taageeray mawqifka iyo wax-qabadka xukuumadda R/wasaare Maxamed C/llaahi Farmaayo.
Shirkaan oo soconayey muddo labo maalmood kana dhacay magaalada Dhuubo-marreeb ee xarunta gobolka Galgaduud ayaa si weyn loogu soo dhaweeyey mawqifka R/wassaraha Soomaaliya iyo xukuumaddiisu ay ka taagan yihiin nuxurkii ka soo baxay shirkii magaalada Kampla ee waddanka Yagaandha, waxaana ay sheegeen in la dhawro sharciga iyo axdiga waddanka u yaalla lagana gudbo rabitaanka shaqsiyadeed.
Madaxda Ahlu-sunna ee shirkaasi ka qayb-galay ayaa waxaan la iska indhatiri-karin ku tilmaamay tallaabooyinkii wax-qabad ee xukuumadda Farmaayo ay ku dhaqaaqday muddadii koobnayd ee ay shaqaynaysay, iyagoo dhinaca kalena dhaliilay hanka iyo damaca labada shariif.
Shirkaan ayaa gaba-gabadii go?aamo laga soo saaray waxaa ugu miisaan-cuslaa in aan la dhanyalsan rabitaanka umadda Soomaaliyeed iyadoo laga duulayo bannanbaxyada joogsan waayey ee magaalada Muqdisho ee lagu diidan yahay nuxurkii Kampla gaar ahaanna shaqo katagidda R/wasaaraha taasoo ay tilmaameen in ay ka turjumayso xaqiiqada iyo rabitaanka ummadda Soomaaliyeed.
Diiwaanka wararka
Radio Daljir.
COMMENTS