Caption ...
Gaalkacyo, 17 Oct- Wafti ka kooban wasiirro, xildhibaanno, iyo saraakiil, oo uu hoggaaminayo guddoomiyaha baarlamaanka Puntland, isla markaana kaashanaya madax dhaqameedka ku hawlan colaaddii Gaalkacyo kuna sugan magaalada Gaalkacyo ayaa ku guda jira wadahadalladii ugu dambeeyey ee nabad ku dabbalidda colaaddii Gaalkacyo ee horraantii September.
Wasiirka cadaaladda Puntland Khaliif Ajaayo oo ka mid ah waftigan una warramay idaacadda Daljir ayaa sheegey in ay la kulmeen qaybo ka mid ah shacabka xaafadda Garsoor, isla markaana ay imika ay naawilayaan imaanshaha duqay ka soo socdaalay degmada Goldogob, kuwaas oo ku biiraya dadaallada ugu dambeeya ee dhidibbo u adkaynta nabadda Gaalkacyo.
Wasiirka Cadaaladda ee Puntland waxa uu sheegey in hore xaafadda Garsoor loogu dilay inta u dhaxaysa 4 illaa 8 qof, isla markaana ay haatan mudantahay in hadda kaddib si cilmiyaysan loo dabagalo dhacdooyinka noocaas ah si aanay mar kale u dhicin, la iskana kaashado.
Ajaayo ayaa hannaan wacan ku tilmaamay sida shacabka ay la kulmeen ee xaafadda Garsoor ay nabadda iyo samaha u danaynayaan.
Diiwaan wareedka Daljir
COMMENTS