Shil ka dhashay Laba tareen oo iskula dhacay Habeenimadii xalay waddanka Giriiga ayaa la sheegayaa inay ku dhinteen dad gaaraya 32 qof, halka 85 kalena ay ku dhaawacmeen, sida ay sheegtay kooxda dab-damiska.
Tareen rakaab ah oo kasoo baxay magaalada Athens kuna socday waqooyiga magaalada Thessaloniki ayaa si xawli ah ugu dhacay tareen xamuul ah oo marayay meel ka baxsan magaalada Larissa ee bartamaha Giriiga, sida uu sheegay gudoomiyaha gobolka Thessaly.
Isku dhaca Tareenadan ayaa sababay inuu dab ka kaco qeybta rakaabka, waxaana halkaasi ku gubtay dad badan oo rakaab ahaa, kuwaasi oo loola cararay isbitaalada.
Wali lama faafaahin sababta keentay shilka tareenadan, waxaana la sheegayaa in shilkan uu ahaa kii ugu dhimashada badnaa ee Giriiga ka dhaca muddo tobanaan sano ah.
FAALLOOYIN & FALCELIN