Ciidanka gaarka ah ee dowladda Soomaaliya ayaa howlgal qorshaysan waxa ay ka sameeyeen deegaanka Buulo Kuuno iyo deegaano kale oo dhaca dhulbeereedka
Ciidanka gaarka ah ee dowladda Soomaaliya ayaa howlgal qorshaysan waxa ay ka sameeyeen deegaanka Buulo Kuuno iyo deegaano kale oo dhaca dhulbeereedka dhinaca waqooyi kaga begaan degmada Balcad ee gobolka Shabeelaha Dhaxe.
Telefishinka dowladda Soomaaliya ayaa shaacisay in howlgalka ay sameeyeen ciidanka dowladda lagu dilay afar xubnood oo katirsan Al Shabaab, sidoo kale lagu qabtay hal nin iyo gaari ay wateen kooxdaasi.
Saraakiisha ciidanka ayaa u sheegay warbaahinta dowladda in ay heleen xogta xubno katirsan Al Shabaab oo dadka deegaanka u taga kana qaata xoolo ay ku sheegeen sako, waxa ayna xuseen in howlgalkan ku yimid xog dadka deegaanka ciidanka ka heleen.
Ciidamada dowladda ayaa isku fidiyay saldhigyana ka sameestay dhulka beeraleyda ee kuyaalla inta u dhaxeysa Balcda iyo Afgooye, waxaana deegaanadaasi xarumo waa weyn iyo maxkamado ku lahaa Al Shabaab .
COMMENTS