Madaxweyne Farmaajo: ”Waxaad tihiin kuwa aan dooneyno in ay asaas u noqdaan ciidamo hanta amniga dalka ”(dhegayso)

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa tababar u soo xiray dufcaddii ugu horreysay ee ka qalin jabiya Kulliyadda Tababarka Ciidamada Turkiga ee Soomaaliya (Turky-Som).

Madaxweynaha ayaa uga mahad celiyey dowladda Turkiga dadaalka ay la garab taagantahay dowladda Soomaaliya taas oo ay qeyb ka tahay tayeynta iyo dib u dhiska Ciidanka Qalabka Sida.

“Waxaan idiin haynaa abaal weyn oo ku aaddan sida qiimaha badan ee aad noo garab istaagteen. Siyaasaddeena arrimaha dibadda waa mid ku saleysan iskaashi cid walba u furan.”

Madaxweyne Farmaajo oo si gaar ah ula dar daarmay ciidankan oo dhammaytay dhammaan tababarrada ciidanka Lugta “Efenteri” ayaa faray in ay ka soo dhalaalaan himillada iyo shaqada ay ka sugayaan Shacabka Soomaaliyeed.

“Waxaad tihiin kuwa aan dooneyno in ay asaas u noqdaan ciidamo hanta amniga dalka, shacabkana ka samata bixiya dhibaatada ay ku hayaan argagixisadu. Si taas loo xaqiijiyo waa in aad ku tilmaamantihiin dhaqanka iyo anshaxa ciidannimo.”

dhegayso khudbada Madaxweyne Farmaajo