Wasiirka Arrimaha Dibadda Soomaaliya ayaa maanta magaalada Muqdisho ku soo dhaweeyay Wasiirka Arrimaha dibedda iyo horumarinta Iskaashiga ee Jamhuuriyadda Burundi mudane Albert Shingiro iyo wafdi uu hoggaaminayo oo booqasho labo maalmood ah ku soo gaaray dalkeenna.
Kulan hordhac ah oo ay yeesheen labada mas’uul ayay uga wada hadlen taageerada xagga ammaanka ah ee ina siiyaan iyagoo qayb ka ah hawlgalka ATMIS ee Ciidamada Midowga Afrika.
Wafdiga Wasiirka oo uu ka mid yahay General Silas Ntigurirwa oo ah la-taliyaha Madaxweynaha Burundi ee dhanka Ciidamada ayaa la kulmi doona Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyagoo la wadaagi doona dhanbaal ay ka sidaan Madaxweynaha Burundi mudane Évariste Ndayishimiye.
FAALLOOYIN & FALCELIN