Cabudwaaq, July 21- 2013 - Magaalada Caabudwaaq ee gobolka Galguduud waxaa ka bilowday howgalo amni sugid ah oo socon doono muddo Toddobaad ah, kuwaasi oo lagu xaqiijinayo nabad-gelyada guud.
Cabudwaaq, July 21- 2013 – Magaalada Caabudwaaq ee gobolka Galguduud waxaa ka bilowday howgalo amni sugid ah oo socon doono muddo Toddobaad ah, kuwaasi oo lagu xaqiijinayo nabad-gelyada guud ee degmada iyo deeganada hoos yimaada.
Khaliif Cabdisamad madaxa arimaha bulshada Caabudwaaq oo la hadlay war-baahinta qaar, wuxuu sheegay in howgalka uu yahay mid amni, wuxuu kaloo ka war-bixiyey xaaladaha haatan ka jira magaalada iyo deeganada ku xeeran.
Wuxuu sheegay in aysan amni daro jirin balse ay haatan diyaar u yihiin in laga hortago hadii ay jiraan qorshayaal ka dhan ah amniga, iyo in laga warhayo amniga guud ee magaalada Caabudwaaq oo uu ka jiro maamulka dowlada federaalka ah ee Soomaaliya.
Howgalka amni sugida ah ayaa socon doona mudo Toddobaad xiriir ah sida uu sheegay madaxa arimaha bulshada, wuxuu intaas ku daray in si gaar ah loola socon doono waxa soo gala iyo waxa ka baxa magaalada Caabudwaaq, maadama dadku ku mashquulsan yihiin gudashada bisha Rammadaan.
Diiwaanka wararka
Radio Daljir
COMMENTS