Nairobi, October 9, 2013 - Guddiga arrimaha difaaca ee Baarlamanka Kenya ayaa shaaciyey in uu dhowaan bilaaban doono qorshe dib loogu celinayo qaxootiga Soomaalida ah ee ku nool dalkaas, waxaa uu sheegay.
Nairobi, October 9, 2013 – Guddiga arrimaha difaaca ee Baarlamanka Kenya ayaa shaaciyey in uu dhowaan bilaaban doono qorshe dib loogu celinayo qaxootiga Soomaalida ah ee ku nool dalkaas, waxaa uu sheegay in guddigu ay arintaas dadaal dheer ugu jiraan.
Gudoomiye ku xigeenka guddiga difaaca ee baarlamanka Kenya mudane Ilyaas Barre Shiil oo la hadlay saxaafada ayaa shaaciyey in qorshaha uu yahay mid hirgelaya isla markaasna dhowaan bilaaban doona, waxaa uu sabab uga dhigay xaalado amni.
Ilyaas ayaa xusay in haatan deegaano badan oo ka mid ah dhulka Soomaaliya uu amni buuxa ka jiro, waxaa uu si cad u qeexay in qorshaha ugu wayn uu yahay in la hirgeliyo go?aanka dowladda Kenya oo dhowr jeer oo hore dib loo dhigay.
?Waxaa diirada la saari doonaa dadka ku sugan xeryaha oo keliya, dib ayaa loo eegi doonaa qorshaha dadka jooga magaalooyinka, in kastoo dad badan ay xeryaha ka yimid ay magaalooyinka joogaan.? Ayuu yiri Ilyaas barre Shiil
Kenya oo celinta qaxootiga ku cel celisay ayaa wararka aan helayno waxay sheegayaan in arintaas ay saamayn ku yeelan karto dadka Qaxootiga ah ee xeryaha jooga, kuwaas oo aan u diyaar garoobin xiligan in ay dib ugu noqdaan Soomaaliya.
Diiwaanka wararka
Radio Daljir
COMMENTS