Dowladda oo sheegtay inay howlgalo ku dileen saraakil ka tirsan Alshabaab

Ciidanka xoogga dalka Soomaliya ayaa maanta howlgallo ka dhan kooxda Al-Shabaab ka bilaabay wadada u dhaxeeysa degmooyinka Buulabarde iyo Jalalaqsi halkaas oo Xubno ka tirsan Al-Shabaab dhowr jeer ay weraro ka fuliyeen.

Taliyaha qeybta 27-aad ee Ciidamada Dowladda Jeneraal Axmed Maxamed Tareedishe iyo saraakiil kale oo katirsan Qeybta 27-aad ee ayaa sheegay in howlgalka ay Khasaare xooggan gaarsiiyeen Al-shabaab kuwaasi oo ku sugnaa inta udhexeeysay magaalooyinka Buulo-burde iyo Jalalaqsi ee gobolka hiiraan.

Taliyaha guutada 5-aad qeybta 27-aad G/le Sare Maxamuud Xasan Ibraahim (Baakaay) oo lahadlay warbaahinta Dowladda ayaa sheegay in howlgalka lagu dilay 11- ka mid Al-Shabaab, kuwaas oo dadka dhibaateyn jiray sida uu hadalka u dhigay.

Diwaanka wararka
Warbaahinta Daljir