Askari katirsanaa ciidamadii uu maamulayey wasiirkii hore ee amniga Jubbaland Cabdirashiid Xasan Cabdinuur 'Janan' oo saddex habeen ka hor geystay wee
Askari katirsanaa ciidamadii uu maamulayey wasiirkii hore ee amniga Jubbaland Cabdirashiid Xasan Cabdinuur ‘Janan’ oo saddex habeen ka hor geystay weerar askar kale oo ay isku ciidan ahaayeen, ayaa isna saaka meydkiisa laga helay meel aan ka durugsanayn xeradii ciidan ee uu weerarka ka geystay.
Meydka askariga ee maanta la helay oo muujinayey dhimasho habeenno ka hor dhacday ayaan si rasmi ah loo ogayn wax sababay maadaama askarigaasi markii uu geystay weerarka dhimashada iyo dhaawaca keenay uu meesha ka baxsaday, waxaase saraariil ciidanka ahi ay warbaahinta Daljir u sheegeen in la aaminsan yahay in ay haleeshay rasaas badan oo ciidanku furay markii weerarku dhacay.
Askariga dilka iyo dhaawac u geystay isla asakarta kale ayaa weerarka qaaday xilli habeenbimo ah, iyagoo ku sugnaa bannaanka xerada ciidaankaasi uu degganaa, waxaana weerarkaasi ku dhintay hal askari labo kalena waa ay ku dhaawacmeen.
Alshabaab ayuu horay uga soo goostay, muddana waxaa uu ka mid ahaa ciidamada heshiiska dawladeed ku soo xarooday ee ka amar qaadanayey wasiirkii hore ee amniga Jubbaland Cabdiŕashiid Janan.
Diiwaanka Wararka
Warbaahinta Daljir.
COMMENTS