12 jir Buurtinle lagu kufsaday iyo bulshada oo maanta ka kulantay (dhegayso|daawo)

Waxaa mar kale deegaanada Puntland ka dhacay kufsi loo gaystay gabar yar oo da’deedu tahay 12 jir. Marakan waa degamada Burtinle. Sida aan wararka ku halayno kufsiga ayaa waxa gabadha u gaystay saddex dhallinyaro ah oo daris la ahaa gabadha ay kufsadeen.

Kufsiga oo dhacay saddex asbuuc kahor ayaa loo gaystay gabadh ina Cabduqaadir Xasan Isxaaq, ahna gabar agoon ah oo hadda lagu dabiibayo isbitaal Bossaso ku yaal.

Kulan maanta Burtinle ka dhacay ayaa looga hadlay kufsiga loo gaystay gabadha aan qaangaarka ahayn waxaana lagu qabtay guriga Shiikh Cabdishakuur Cali Xirsi oo isagu soo qabanqaabiyey kulanka.

Saddexda kufsade ee dariska la ahaa gabadha ina Cabduqaadir oo hadda ku xiran saldhigga Burtinle ayaa gabadha ugu hanjabay in haddii ay magacyadooda sheegto loo jarjarayo oo loo dilayo sidii caa’isho Ilyaas oo kale.

Caa’isha Ilyaas ayaa saas oo kale waxaa kufsaday, haddana Gaalkacyo ku dilay, wiilal daris la ahaa oo xataa guriga Caa’isha qaarkood cuntada ka cuni jireen.

Dowladda Puntland ayaa shacabku waxa ay hadda ku eegayaan il gaar ah iyo sida ay ka yeeli doonto danbiilayaasha saddexda ah ee hadda kufsaday ina Cabdulqaadir iyo dabiilayaashii Gaalkacyo ee ayana Caa’isha Ilyaas kufsaday, haddana dil ugu daray.

Hoos ka dhegayso kulanka maanta ee Burtinle.

Hoos Kadaawo Warbixin an ka diyaarinay.