Madaxweynaha dawladda Puntland Dr. Cabdiweli Maxamed Cali Gaas ayaa manta 05-October-2016 kulan uu kula qaatay Qasriga Madaxtooyada dawladda Puntland ee Garoowe dhammaan Hay’adaha samefalka ee ka hawl-gala Puntland waxa uu ka jeediyey Ambiil ama baaq ku saabsan abaaraha baahsan ee ka jira Puntland, baaqaas oo uu u diray dadweynaha reer Puntland iyo beesha caalamkaba.
Madaxweynaha dawladda Puntland Dr. Cabdiweli Maxamed Cali Gaas ayaa manta 05-October-2016 kulan uu kula qaatay Qasriga Madaxtooyada dawladda Puntland ee Garoowe dhammaan Hay’adaha samefalka ee ka hawl-gala Puntland waxa uu ka jeediyey Ambiil ama baaq ku saabsan abaaraha baahsan ee ka jira Puntland, baaqaas oo uu u diray dadweynaha reer Puntland iyo beesha caalamkaba.
Kulanka ayaa waxaa Madaxweynaha ku wehelinayey Madaxweyne ku-xigeenka dawladda Puntland Eng. Cabdixakiim Cabdullaahi Xaaji Cumar Camey,Agaasimaha Guud ee Madaxtooyada Deeq Saleebaan Yuusuf, Wasiirro iyo dhammaan hay’adaha samefalka ee ka hawl-gala Puntland.
Madaxweynaha dawladda Puntland ayaa sheegay in ay Puntland ka jiraan abaaro ba’an oo saameeyey dadka iyo duunyadaba isla markaana haddii aan sida ugu dhakhsaha badan wax looga qaban ay halis gelin karto nolosha dadka iyo duunyadaba.
“Raxmadda Eebbe kama aannaan quusan balse waxaan rabaa in aan shacabka reer Puntland iyo beeshaca caalamkaba u sheego in ay Puntland ka jirto khatar weyn oo dhinaca abaaraha ah
Waxaa loo baahan yahay in la sameeyo qorshe ku talo-gal ah, kaas oo looga gaashaamanayo haddii sida aynu u rabno ay wax u dhici waayaan”ayuu yiri Madaxweyne Dr. Cabdiweli Maxamed Cali.
Ugu dambayn Madaxweynuhu waxa uu xusay in xilli roobaadkii lasoo dhaafay ee Gu’ga ay yaraayeen roobabkii ka da’ay Puntland sidoo kalena laga cabsi qabo in roobabka dayrta uu dib u dhac ku yimaado ama ay yaraadaan, taa beddelkeena loo baahan yahay in dawlad ahaan iyo shacab ahaanba loo diyaar garoobo sidii loo wajihi lahaa abaarahaasi.
“waxaan rabaa in aan caddeeyo in ay Puntland ka jirto khatar weyn oo dhinaca abaaraha ah maadaama ay yaraayeen roobabkii gu’ga ee lasoo dhaafay lagana cabsi qabo in roobabka dayru ay yaraadaan, sidaa awgeed waxaa loo baahan yahay in aan dawlad ahaan iyo shacab ahaanba u diyaar garowno, beesha caalamkana marwalba taageeradooda waanu u baahanahay”ayuu yiri Madaxweyne Dr. Cabdiweli Maxamed Cali.
—DHAMMAAD—
XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.
COMMENTS