Uhuru Kenyatta,”Barlamaanka Cusub ee Kenya Iimaanka Ayey La’yihiin”

Uhuru Kenyatta, Madaxweynaha Kenya, ayaa weerar afka ah ku qaaday Xildhibaanada cusub Baarlamaanka Kenya, ka dib markii ay ku baaqeen in la kordhiyo mushaaraadkooda.

Xildhibaanada oo qaarkood soo jeediyay kordhinta mushaaraadkooda, ayaa qiil ka dhigtay in mushaaraadka loogu talagalay aanay ahayn wax ku filan.

Hase ahaatee Madaxweynaha Kenya, ayaa cambaareeyay dalabka ay Xildhibaanada ku dalbanayan in la kordhiyo mushaaraadka loogu talagalay, isagoona wacad ku maray inaanu saxiixi doonin, hindise kasta oo mushaaraadka lagu kordhin karo.

Madaxweynaha oo Khamiistii ka soo muuqday Warbaahinta Kenya, ayaa wax laga xishoodo ku tilmaamay soo jeedinta Xildhibaanada, xilli aan weli Xildhibaanimadooda loo dhaarin.