Jowhar, October 19, 2013 - Beeralay ayaa ku dagaalamay deegaanka Buulo-bannaan ee ku dhow degmada Jowhar ee gobolka shabeelaha dhexe, halkaas oo saacadihii tegay ay ka jirtay xiisad dagaal oo la xiriirta muran.
Jowhar, October 19, 2013 – Beeralay ayaa ku dagaalamay deegaanka Buulo-bannaan ee ku dhow degmada Jowhar ee gobolka shabeelaha dhexe, halkaas oo saacadihii tegay ay ka jirtay xiisad dagaal oo la xiriirta muran beereed.
Hal ruux ayaa dhintay saddex kalena dhaawac ayaa soo gaaray markii uu qarxay dagaal u dhexeeyo beelo wadda degan tuulada, kuwaas oo isku haysta beero ka jira deegaanka.
Wararka aan ka helayno degmada Jowhar ee shabeelaha dhexe ayaa sheegaya in hadda ka hor uu dagaal dhexmaray beelaha dirirtu u dhexayso maanta, balse horay heshiis loo dhex dhigay.
In kastoo dagaalku qaboobay waxaa iyana warar aan helayno ay sheegayaan in xiisadu ay taagan tahay, isla markaasna laga cabsi qabo in uu dagaalku sii socdo, maamulka dowladda ee gobolka weli kama hadlin xiisada jirta.
Diiwaanka wararka
Radio Daljir
COMMENTS