Xudnaha gudiga dabagalka Doorashooyinka Puntland oo la magacaabay (Dhegaysi+Sawiro)

Garoowe, June, 19, 2013, Hay?adda cilmi baarista iyo horumarinta Dimuqraadiyada Puntland ee PDRC ayaa maanta Garowe kusoo bandhigtay 9 (sagaal xubnood) oo ay sheegtay inay noqonayaan guddi dabagal ku sameynaya doorashooyinka golayaasha deegaanka Puntland oo15ka bisha 7 aad dhacaya degmooyinka Puntland.

Hay?addu, waxay sheegtay inay xubnahaan kala tashatay guddiga doorashada Puntland, Ururada siyaasada iyo qeybaha bulshada, ?Waxayna intaa ku dartay in juhdi lagu bixiyay xulistooda.

Cali Faarax oo ah Xiriiriyaha PDRC ayaa sheegay inay dadkaan kasoo kala xuleen ururada bulshada rayidka ah iyo ururada siyaasada Puntland.

Halkan ka dhegayso warbixin Radio Daljir ka diyaariyey gudigan cusub ee dabagalka?

Gudoomiyaha guddiga KMG ah ee doorashooyinka Puntland Maxamed Xasan Barre oo ka hadlay goobta ayaa sheegay guddigaan inuu u madax banaanyahay arin kasta oo la xiriirta doorashooyinka dowladdaha hoose .

Mudane Barre ayaa sheegay ku dhawaaqida guddigaan inay meesha ka saarayso tuhunkii laga qabay dhex dhexaad ka ahaanshaha doorashooyinka.

Wakiilo ka socday 4 urur siyaasadeed oo kala ah UDAD, Horcad, Wadajir & Horseed ayaa goob joog ku ahaa madasha xubnahaan lagusoo bandhigayay.

Doorashooyinka golaha deegaanka ee Puntland ayaa waqtiga ?loo cayimay waxaa ka harsan mudo 26 maalmood ah, Waxaana haatan guddiga doorashadu wadaa qaban qaabo loogu diyaar garoobayo qamsoomida doorashadaas.

Diiwaanka Wararka

Radio Daljir

Garoowe

$\"\"$