Xarakada Al shabab oo lagala wareegay deegaano hor leh

Xarakada Al shabab oo lagala wareegay deegaano hor leh

Ciidanka Milateriga Soomaaliya ee ku sugan Gobolka Gedo gaar ahaan Degmada Baardheere ayaa howlgalo qorsheysan waxaa ay ka fuliyeen deegaano hoostaga degmadaas.

Howlgalka Ciidamada ayaa intii uu socday waxaa ay dagaal kula wareegeen deegaano ka tirsan Gobolka Gedo,halkaasi oo ay ku sugnaayeen Dagaalamayaasha Al-shabaab,isla markaana waxaa dagaalka ka dhashy Khasaaro isugu jira dhimasho iyo dhaawac oo soo kala gaaray labada dhinac ee dagaalamay

Deegaanada Al-shabaab laga qabsaday ayaa waxaa ka mid ah Cali Xareyd,gubad xaar iyo Juungal,halkaasi oo in muddo ah ay ku sugnaayeen sida uu warbaahinta u sheegay Taliska qeybta 49-aad ee Magaalada Baardheere.

Taliyaha qeybta 49-aad ee Ciidanka Xoogan Soomaaliyeed Dhame Cali Maxamed ayaa waxaa uu sheegay in howlgalka Ciidamada ay ka wadan Gobolka Gedo uu yahay mid la doonayo Al-shabaab looga xoreeyo deegaanada hoostaga degmada Baardheere,isla markaana waxaa uu xusay in Al-shabaab deegaanka ay ka qabsadeen ay ku qaadi jireen lacago Zakawaad ah.

 

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com