Waxaa maanta oo ay tariikhdu tahay 19 August 2017 xafiiska Madaxweyne ku-xigeenka Dawladda Puntland lagu dhaariyey Wasiirru Dawlaha Madaxtooyada Ee xiriirka Goleyaasha, ahna Af-hayeenka Madaxtooyada Cabdullahi Maxamed Jaamac (Quraan Jecel) oo uu Madaxweynaha Dawladda Puntland Dr. Cabdiweli Maxamed Cali Gaas magcaabay 16 August 2017.
Munaasibadda dhaarinta ayaa waxaa goobjoogka ahaa Madaxwene ku-xigeenka Dawladda Puntland Eng. Cabdixakiin Xaaji Cabdullaahi Cumar Camey, xubin ka tirsan Maxkamadda Sare ee Puntland iyo saraakiil ka tirsan Madaxtooyada Dawladda Puntland.
Madaxweyne ku-xigeenka Dawladda Puntland Eng. Cabdixakiin Xaaji Cabdullahi Cumar Camey ayaa dhaarta kadib kula dardaarmay Wasiirru Dawlaha Madaxtooyada ee Xiriirka Goleyaasha, ahna Af-hayeenka Madaxtooyada inuu si daacadnimo ku jirto uga soo baxo ugana soo dhalaalo shaqada qaran ee loo igamaday, islamarkaana uu ugu adeego si karti iyo hufnaanle dadkiisa iyo dalkiisaba.
Sidoo kale Madaxweyne Ku-xigeenka Puntland ayaa kubooriyey Wasiirru Dawle Cabdullahi Maxamed Jaamac (QuraanJecel) inuu ka foojignaado kana fogaado wax kastaoo lid ku ah shaqada xafiiskiisa, islamarkaana uu ogaado in shaqada Xafiiska Xiriirka Goloyaasha ee Madaxtooyadu u baahan yahay shaqo tiro badan oo leh tayo iyo dulqaadbadan.
Ugu Danbayntii, Madaxweyne Ku-xigeenka Dawladda Puntland Eng. Cabdixakiin Xaaji Cabdullaahi Cumar Camey ayaa Alle ‘’SWT’’ uga baryey Wasiirru Dawlaha inuu u fududeeyo hawlahashaqo ee loo igmaday, islamarkaana Alle kadhigo mid sidaacadnimo ah oo waddaniyaddi ku jirto ugu adeego dadkiisa iyo dalkiisaba.
FAALLOOYIN & FALCELIN