Kulankani uu Wasiirka Gaashaadhigga Soomaaliya la yeeshey taliyaasha ciidamada Xoogga Dalka, Nabad Sugidda iyo Asluubta oo ay wehliyaan saraakiil ka tirsan Xoogga Dalka ayaa ujeedkiisu ahaa soo bandhigista qorshe saadka ama raashiinka ciidanka qalabka sida loogu bedelayo dalagga ka baxa dalka, iyadoo ugu horeyn Wasiirku uu salaam sharaf ka qaatay ciidanka bambayda xoogga Dalka, waxaana goobtasi lagu soo bandhigay noocyo kaladuwan oo cunada dalka ka baxda.
Ugu horeyn taliyaha Saadka ee ciidanka Xooga Dalka Gaashaanle sare Maxamed Maxmuud Garabay ayaa sharaxay qorshahaasi oo lagu tijaabiyay ciidanka ku sugan xarunta Villa Baydhabo,wuxuuna sheegay in uu jiro farqi weyn oo u dhexeeya dalagga ka baxa Dalka iyo kan dibadda laga keeno,islamarkaana qarash ahaan iyo tayo ahaanba kan dalka kabaxa uu leeyahay faa’iido aad u wanaagsan.
Taliyaha Ciidanka Xooga Dalka Sareeyo Gaas Cabdi-weli Jaamaca Xuseen (Gorod) oo lahaa fiikirkan iyo taliyaha ciidanka Alsuubta Sareeyo Guud Bashiir Maxamed Jaamac ayaa ka hadlay ahmiyadda qorshahani,waxaana ay balanqaadeen in xooga ay saari doonaan sidii loo dhaqan gelin lahaa qorshahani si bulshada Soomaaliyeed uu ugu noqdo mid faa’iido badan u leh xagga dhaqaalaha.
FAALLOOYIN & FALCELIN