Wasaaradda Dastuurka DFS oo Baydhabo Shir kusoo gabagabeysay (Sawiro)

Wasaaradda Dastuurka DFS oo Baydhabo Shir kusoo gabagabeysay (Sawiro)

Tababarkan oo socday muddo afar maalin ah oo ay soo qabanqaabiyeen Wasaaradaha Arrimaha Dastuurka DFS iyo KGS oo lagu baranayay waxbarashada madaniga ah iyo wacyi galinta dadwaynaha ayaa maanta lagu soo gabagabeeyay magaalada baydhabo ee caasimadda ku meel gaarka ah ee dowlad goboleedka koonfur Galbeed Soomaaliya.

Tababarkan waxaa ka soo qaybgalay in ka badan 75 qof oo ka kala yimid bulshada rayidka ah iyo shaqaalaha dowlad goboleedka koonfur Galbeed Soomaaliya waxaa lagu baranayay casharro ka hadlaya waxbarsahada madaniga ah iyo wacyigalinta dadweyanaha, waxaana dadka ka soo qayb galay ay ka doodeen mowduucyo ay ka mid yihiin tallaabooyinka ugu haboon ee loo mari karo fulinta waxbarashada madaniga ah iyo wacyi galinta dadweynaha ee deegaanada Koonfur galbeed Soomaaliya iyo caqabadaha lala kulmi karo inta lagu guda jiro fulinta waxbarashada madaniga ah iyo wacyi galinta dadwaynaha iyo sida looga hortagi karo.

Ujeedada tabarkan ayaa ahayd in dadka loo tababaro waxbarashada madaniga ah iyo wacyi galinta dadweynaha ay sii gaarsiiyaan dadka ku nool deeganada koonfur galbeed Soomaaliya iyaga oo kaashanaya waaaradda arrimaha dastuurka Koonfur Galbeed Soomaaliya.

Waxaa kulanka khudbado ka jeediyay qaar ka mid ah ka soo qayb galayaasha oo ay ka mid ahaayeen gudoomiyaha ururada bulshada rayidka ah ee Koonfur galbeed Soomaaliya Maxamed Cabdullahi Barako iyo afhayeenka malaaqyada Koonfur Galbeed Soomaaliya Maxamed Yacquub Deeroow kuwaas oo cabiray dareenkooda ku aadan tababarkaaan waxa ayna uga mahadceliyeen Wasaaradda dastuurka XFS iyo wasaaradda Dastuurka koonfur Galbeed Soomaaliya sida ay uga go’antahay in dadka soomaaliyeed ay baraan dastuurka, waxa ayna sheegeen in ay ka shaqayn doonaan sidii loo gaarsiin lahaa dastuurka dadka ku nool deeganada koonfur Galbeed Soomaaliya.

Sidoo kale, waxaa kulanka xiritaanka ka hadlay agaasimaha guud ee wasaaradda dastuurka Koonfur Galbeed Soomaaliya mudane Mustaf Cabdullaahi waxa uuna ku booriyay dadka ka faa’iidaystay tababrkan in ay sii gaarsiiyaan waxbarashada madaniga ah iyo wacyigalinta bulshada ee arrimaha dastuurka dadka kunool deegaanada iyo tuulooyinka hoos yimaada koonfur galbeed Soomaaliya si loo helo bulsho aqoon u leh dastuurkooda.

La-taliyaha Siyaasadda iyo Sharciga ee wasaaradda arrimaha dastuurka ee DFS Mudane Cali Cismaaciil Cabdi Giir oo kulanka soo xiray ayaa kula dardaarmay ka soo qaybgalayaasha in ay doorkooda ka qaataan sidii loogu wacyigalin lahaa bulshada koonfur galbeed ka qaybgalka Dib-u-Eegista Dastuurka.

Gabagabadii, dadkii ka soo qaybgalay tababarka ayaa la gudoonsiiyay shahaadooyin muujinaya in ay qaaateen tababarka waxbarashada madaniga ah iyo wacyigalinta dadwaynaha, sidoo kale waxaa loo qaybiyay buugaagta dastuurka iyo buugaag ay ku qoranyihiin su’aalo iyo jawaabo ku saabsan dastuurka.

FAALLOOYIN & FALCELIN

WORDPRESS: 1
  • NUURKANEDERLAND 6 years ago

    KKKKKKKKKKKKKKKKKK..
    BUUGAAN YAR MASHRUUC BUU NOQDAY.

WP2Social Auto Publish Powered By : XYZScripts.com