Wasaaradda Caafimaadka ee Soomaaliya oo xaqiijisay in qof cusub laga helay cudurka Coronavirus

Wasaaradda Caafimaadka ee Soomaaliya oo xaqiijisay in qof cusub laga helay cudurka Coronavirus

Wasaaradda Caafimaadka ee Soomaaliya ayaa xaqiijisay in qof cusub laga helay cudurka Coronavirus, iyadoo tirada guud ee dadka laga helay cudurkan ay gaartay 8 ruux.

Qoraal ka soo baxay Wasaaradda Caafimaadka ayaa lagu sheegay in qofka laga helay uu yahay Muwaadin Soomaaliyeed oo aan dalka ka bixin.

“Waxaa soo kordhay xaaladii 8aad oo xanuunka COVID-19 lagu xaqiijiyay. Waa Muwaadin Soomaaliyeed oo Lab ah, da’diisuna tahay 58 sano, wuxuuna deegaan ku yahay Muqdisho, safar kuma imaan”ayaa lagu yiri Qoraal ka soo baxay Wasaaradda Caafimaadka.

Wasaaradda Caafimaadka ayaa sheegtay in 8-da qof ee laga helay cudurkan uu mid ka mid ah ka bogsaday.

Dowladda Federaalka ayaa diyaarisay goobo loogu tala galay in lagu karantiilo dadka qaba cudurka Coronavirus.

Diwaanka wararka
Radio Daljir

FAALLOOYIN & FALCELIN

WORDPRESS: 0