Taliyaha Ciidanka Asluubta oo Booqday Xabsiga Dhexe ee Xamar

Taliyaha Ciidanka Asluubta oo Booqday Xabsiga Dhexe ee Xamar

Taliyaha Ciidanka Asluubta Soomaaliyeed Sarreeye Guud Bashiir Maxamed Jaamac, ayaa maanta kormeeray Warshadda Farsamadda Gacanta ay ku bartaan Maxaabiista Xabsiga dhexe ee Xamar iyo Warshadda Wax-soo saarka Ciidanka Asluubta, halkaasi oo uu soo indha indheeyey sida ay u socoto shaqada.

Taliyaha oo ay wehliyeen ku xiggeenadiisa iyo Saraakiil kale, ayaa mid mid u booqday qeybaha ay ka kooban yihiin Warshadahaasi, waxaana uu xog wareystay Madaxda , Maxaabiista farsamada gacanta barata iyo Ciidanka ka shaqeynaya Warshadda.

Taliyaha Ciidanka Asluubta Soomaaliyeed Sarreeye Guud Bashiir Maxamed Jaamac, ayaa sheegay in shaqada Warshadda si dardar leh ay ku socon doonto, isla markaana la ballaarin doono, isaggoo tilmaamay in Warshado kale lagu soo kordhin doono xabsiga dhexe ee Xamar.

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com