Somaaliya iyo Sudaan oo Heshiis kala saxiixday

Somaaliya iyo Sudaan oo Heshiis kala saxiixday

Wasiirka Arrimaha Dibadda iyo Iskaashiga Caalamiga ah ee Xukuumadda Fedaraalka Soomaaliya Axmed Ciise Cawad oo malmahaan booqadsho ku joogay Dalka Suudaan ayaa heshiis iskaashi la saxiixdeen dhigiisa Arrimaha Dibadda Suudaan Ibraahim Ganduur, heshiiskan oo tilmaaya horumarinta xiriirka iskaashi ee ka dhaxeeya Dowladaha Soomaaliya iyo Suudaan

Sido kale Wasiirka ayaa booqday Safaaradda Soomaaliya ee ku leedahay Suudaan, isagoo soo kormeeray habka ay u shaqeysa Safaardda, waxuuna halkaasi kula kulmay Diblomaasiyiinta iyo shaqaalaha Safaaradda ka howl-gala.

Mudane Axmed Ciise Cawad oo Warbaahinta Qaranka ugu Warbixiyay heshiiska ay wada saxiixdeen dhigiisa Suudaan ayaa yiri “Waxaa maanta heshiis iskaashi wada saxiixnay Wasiirka Arrimaha Didbadda Suudaan, heshiiskaasi oo tilmamaya in la sameeya guduyo horumariya xiriirka iskaashiga ee Soomaaliya iyo Suudaan ka dhaxeeya” ayuu yiri Wasiirka Arimaha Dibadda.

Dhanka kale Wasiirka Arrimaha Dibadda iyo Iskaashiga Caalamiga ah ee Xukumadda Soomaaliya Mudane Axmed Ciise Cawad ayaa booqday Jaamacadda Afrika oo ah Jaamacadda ugu badan ay dhigtaan Ardayda Soomaaliyeed, waxuuna Jaamacadda kula kulmay ku-xigeenka Madaxa Jaamacadda isigoo ugu mahadceliyay sida ay mar walba Maamulka Jaamacadda shacabka Soomaaliyeed ugu garab isgaataan dhanka Waxbarashada.

Kulamada uu Wasiirka la qadanyay Mas’uuliyiinta Dowladda Suudaan ayaa waxaa goob joog ka ahaa Mas’uuliyiin ka socotay Safaaradda Soomaaliya ee Dalka Suudaan oo uu horkacayay Siihayaha Safaaradda ahna Qunsulka Safaaradda Axmed Ibraahim Buurfuule iyo waliba Safiirka Sudan u Fadhiya Soomaaliya.

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com