Qorshaha dhow ee Dowladda Federaalku ka leedahay Dowlad Goboleedyada (Maqaal)

Qorshaha dhow ee Dowladda Federaalku ka leedahay Dowlad Goboleedyada (Maqaal)

Dowladdaan waxaa daaha gadaalkiisa ka riixaaya oo wax u yeeriya Fahad Xaaji Yaasiin oo ah nin lagu tiriyo inuu xariidh qoto dheer la leeyahay urur-diimeedyada Soomaaliya, sidoo kale wuxuu kasoo horjeedaa oo diidan yahay Nidaamka Federaalka; hadaba Waa Maxay Yoolka ay Dowladda Farmaajo iyo Khayre hogaaminayaan ay ka leedahay Maamul Goboleedyada Goboleedyada.

Ila lagu kalsoon yahay oo u dhow Villa Soomaaliya iyo Fahad Yaasiin ayaa xaqiijiyay in Dowladda Federaalka ah ay u dejisay Dowlad Goboleedyada qorshayaal kala duwan oo kala ah:

  1. In Dowladda Federaalka ah ay Dowlad Goboleedyada u dhiibto Madax ay isku koox yihiin oo ka amar qaata gaar ahaan Maamulada Koonfurta iyo Bartamaha Soomaaliya ka jira waxayna dejiyeen qorshahaan hoose ee kala ah:
    1. Madaxweyne Axmed Ducaale Geelle Xaaf waxaa lagu bedelayaa Mudane Axmed Cabdi Kaariye (Qoor-Qoor) oo ah Wasiiru Dowlaha Wasaaradda Hawlaha Guud iyo Dib-u-dhiska midkaasoo ka mid ah kooxda Nabad iyo Nolol.
    2. Madaxweyne Maxamed Cabdi Waare waxaa lagu bedelayaa Wasiirkii hore ee Wasaaradda Arrimaha Gudaha DFS ahna Xildhibaan ka tirsan Xildhibaanada Aqalka Hoose Mudane Cabdullaahi Goodax Barre
    3. Madaxweyne Shariif Xassan Shiikh Aadan waxaa lagu bedelayaa Wasiirkii hore ee Wasaaradda Gaashaandhigga ee Xukuumadda Nabad iyo Nolol Mudane Cabdirashiid Cabdullaahi Maxamed
    4. Madaxweyne Axmed Maxamed Islaan (Axmed Madoobe) waxaa lagu bedelayaa Wasiirkii hore ee Wasaaradda Warfaafinta, Boostada, Isgaarsiinta iyo Gaadiidka Mudane Cabdullaahi Ciilmooge Xirsi hadana ah Mucaarad laga maalgeliyo Villa Soomaaliya oo ka soo horjeeda Maamulka Jubaland
    5. Maadaama ay Puntland xoogaa sidaas ka yara adag tahay oo ay ka jidhto Nidaam adag oo muddo soo jiray lehne xuduudo, dekedo iyo Airports madax bannaan waxay rabaan inay Doorashada soo socota Taageeraan Musharax Jilicsan Siyaasina ahayn oo ay wax walba ka fushan karaan waxaana loo badinayaa inay noqonayaa 3 ilaa 5 Musharax kuwaasoo ay u arkaan inay ka fushan karaan danaha ay ka leeyihiin Puntland, kalsooni badana kumay qabaan inay hawshoodu uga soota geli karto maadaama dadka Puntland ay yihiiin dad wacyiga fahamsan kuna tiirsan Isimada iyo waxgaradka kale ee Deegaanadaas inta badana u dhegtaaga ogna debinada Dowladda Federaalka u qoolayso had iyo jeerna ku baraarugsan.
  2. Markay ku guulaystaan inay intaan Sameeyaan waxay rabaan in Madaxdaas kor lagu soo xusay ay noqdaan kuwo Xamar laga xukumo kuna shaqeeya Danaha iyo go’aamada Madaxda Xamar ee aan ku shaqayn Danaha iyo Masiirka Ummda dooratay.
  3. Ugu damayn waxay doonayaan in ay nidaamkaan Federaalka kaga takhalusaan sidaasna dalku ku noqdo Nidaamka Dowladda Dhexe ee dadban (indirect Centralized State).

Hadaba maxaa la gudboon Madaxda Dowlad Goboleedyada mise sidee Madaxdii Carbeed ee Saadaam, Qadaafi, Cali Cabdalle Saalax, Xusni Mubarak, Mursi, Bishaar Al-Asad markii Biyuhu qaataan bay ku war helayaan? Dhammaan hawlahaan waxaa lagu kala xaqiijin kadhayaa inay dhacayaan iyo in kale haddii Madaxda Dowlad Goboleedyadu dib u soo nooleeyaan Madashoodii ahayd “Golaha Iskaashiga Maamul Goboleedyada ama CIC”.

Xogtaani waa xog xaqiiqo ah lagana soo aruriyay Asxaab iyo Siyaasiyiin aad ugu dhow Xafiisyada Madaxweynaha, Ra’iisula Wasaaraha iyo Agaasimaha Guud ee Madaxtooyada Villa Soomaaliya

W/Q: Cabdiraxmaan Yuusuf Cadaade

[email protected]

FAALLOOYIN & FALCELIN

WORDPRESS: 1
  • Abdi-rizak Ismail 3 months

    Soomaali hadaan nahay waa ayaan daro haddii xataa aan garan la’nahay kaliya mida ah abuuritaanka rabi in uu naga dhigay “IBNU AADAM” iyo waxa uu nooga duway waxyaabaha kale uu abuurtay oo dhan oo ah g”GARASHADA” waxa loogu yeero  taasoo leh ka duwanaasho sababeed noocyo badana leh sida nooca garashada maxa qaldan iyo maxaa saxan iyadoo waliba midan maqaalka ah waa nooca garasho aqoon leh ubaahan oo way ka duwan tahay garashada dareen ee sida “ xanuunka ama caafimaadka” oo midaan waa garasho dabiiciya umana baahna aqoon ama cilmi, marka aan u soo noqdo dulucda aan dulmarka u soo sameeyay oo ah ayaan darida na haysata soomaali hadaan nahay siiba aniga shakhsi ahaan oo rayiga falcelinta ah qoraya ayaan daridu marba meel bay noo joogtay maanta ayaan darida soomaali haysata waxay igula muuqataa “SIYAASADU WAXAY LEEDAHAY QAANGAAR SIDA JIRTA, MARKA SIYAASIINTA SOOMAALIDA MID XIL HAYA IYO MIDAAN HAYNBA INTA BADAN WAXAY U MUUQDAAN IN AY SIYAASADA KA QAAN GAARIN SI KASTA IYO WAQTI KASTOO AY KU JIRAAN SIYAASADA MARKA WAA AYAAN DARO.”