Puntland oo sheegtay inay yaraadeen weeraradii Burcad-Badeedda. (Dhegayso)

Garoowe, Dec 2, Agaasimaha Hay’ada la dagaalan ka Burcad-Badeeda Soomaalida u qaabilsan Puntland Md Cabdirisaaq Dirir Ducaysane oo waraysi gaar ah siiyey Radio Daljir ayaa sheegay in sanadkan falalka Burcadu wax ku afduubaan ay hoos u dhaceen %59 sida uu sheegay.

?
Arintan ayuu dhinaca u saaray cadaadis badan oo Burcad-Badeedda kaga yimid beesha Caalamka iyo dadka Soomaalida uu aad u fahmey dhibka ay Burcadu ku hayaan umadda Soomaaliyeed meel walba oo ay joogaan.
?
Wuxuu sheegay in ka Puntland ahaan ay door weyn ku lahaayeen yaraynta Burcad-Badeedda, dagaalka ugu badan ee Puntland la gashay Burcadda ayuu ku sheegay inuu yahay Wacyigelin Ballaaran oo ay u sameeyeen bulshadda isagoo tilmaamay wacyigelintaasi inay ka qayb qaateen Odayaasha dhaqanka, Culimada diinta, aqoon yahanka iyo bahda Saxaafadda.
?
Sidoo kale agaasimuhu wuxuu sheegay in wadanka Soomaaliya xiligan lagu haysto 5 markab oo u afduuban Burcad-Badeedda Soomaalida tiradaasoo aad uga yar maraakiibtii sanadihii hore ku afduubnaan jirey wadanka Soomaaliya.
Puntland ayaa sanadkii hore hawl gelisey ciidanka Badda oo loo aasaasay la dagaalanka Burcad-Badeeda iyo Maraakiibta Jariifka, Waxaana mudadii ciidamadaasi shaqaynayeen ay waxbadan ka qabteen amaanka xeebaha Puntland.
?
Diiwaanka Wararka
Radio Daljir
(B)

Faallee ama ka falceli mowduuca kore oo ku guulayso abaalmarin AMAL Bank. "AMAL BANK. YOUR FUTURE. OUR MISSION."

AMAL Bank ku Dirso, ku Keydso, ku Maalgasho! Hadaba si aad u hesho abaalmarin AMAL BANK qaybta hoose ee faallooyinka iyo falceliska ku qor magacaaga iyo moobilkaaga, ama email wata magacaaga oo buuxa iyo moobilkaaga noogu soo hagaaji: [email protected]
AMAL Bank. "Your Future. Our Mission"

FAALLOOYIN & FALCELIN

WORDPRESS: 0