Garowe, Dec 16 ? M/weynaha dawladda Puntland Dr. Cabdiraxmaan Maxamed Maxamuud Faroole ayaa majo-xaabin shireed ku tilmaamay fadhigii mudanayaash baarlamaanka dawladda federaalku ay dhawaan ku yeesheen magaalada Muqdisho kaasoo ay ku sheegeen in ay xilkii qaadeen guddoomiyahoodii Shariif Xasan Sheekh Aadan.
M/weyne Faroole, ayaa tilmaamay arrintaasi in uu ahayd mid sharci-darro isla markaana baal-marsan qawaaniinta dalka u yaalla, waxaana uu intaasi raaciyey kulankaasi baarlamaan in looga gollahaa oo kaliya sidii loo carqaladayn lahaa qabsoomidda shirka magaalada Garowe.
Md. Faroole, ayaa sheegay xildhibaannada federaalku in ay diidan yihiin qorshaha tubta nabadda oo ay ku jirto dib-u-habayn iyaga laftigooda lagu samaynayo, taasoo ay ka cago-jiidayaan in ay hirgasho sida uu tilmaamay madaxweyne Faroole.
?In badan oo ka mid ah xildhibaannada baarlamaanka waa dagaal-oogayaashii Soomaaliya, waana ku halkaasi dhigau ummadda Soomaaliyeed, in kale oo baarlamaanka ka mid ahna waa kuwo iskood ku yimid meesha ee aan cidna dooran, deegaanna matalin? ayuu yiri madxweyne Faroole.
M/weynaya ayaa hadalkaan ka sheegay shir jaraa?id oo uu maanta ku qabtay xarunta Jamacadda PSU ee magaalada Garowe halkaasi oo ah goobta loogu talo galay in lagu qabto shirka wadatashiga Soomaalida, waxaana uu shirkaan jaraa?id uu yimid xilli isaga iyo wafti ka socda QM, UN-ka, IGAD iyo dawladda federaalku ay kormeereen goobtaasi shirka loogu talo galay.
Diiwaanka Wararka,
Radio Daljir.
FAALLOOYIN & FALCELIN