Wadajir – Sida uu noo xaqiijiyey goobjooge ku sugan xaafadda Wadajir ee koonfurta Gaalkacyo waxaa goor dhaweyd halkaas ku geeriyooday mid kamid ah 3 nin oo galabta rabtay in ay dil ku khaarajiyaan Kornayl Xaaji Cariish. Kornaylka ayaa dhaawac ka soo gaaray iskuday dil oo ay maleegeen saddex nin oo bastoolado ku hubaysan.
Saddexda eedaynsane ayaa ka soojeedaa xaafadda Wadajir (Baraxley) ee koonfurta Gaalkacyo.
Shacab ka agdhawaa falka lala beegsaday Kornayl Cariish ayaa rasaas ku furay saddexda nin ee falka dilka maleegay, halkaas oo mid ka mid ahi uu dhaawac dhabarka ahi soo gaaray, isla caawana u dhintay dhaawacaas.
Dhanka kale, waxaa xaaladdiisa caafmaad ka soo raynaysaa Kor. Xaaji Cariish, asaga oo qalliinkii koowaad ku najaxay.
Ilo wareed aan ka soo xiganay maamulka gobolka Mudug ayaa kalsooni ka muujiyey in labada eedaysane ee weli nool ay hadda ku jiraan gacanta maamulka Galmudug, ayna filayaan in dhakhso loogu soo wareejiyo.
Diiwaanka wararka
Radio Daljir