Madaxweynihii hore ee Ismaamulka Soomaalida Cabdi Maxamuud Cumar ayaa markale ka soo muuqday Maxkamad ku taal magaalada Addis ababa ee dalka Itoobiya isagoo sheegay inuusan wax dambi ah gelin.
Cabdi Maxamuud Cumar ayaa maxkamada horteeda ka sheegay in mudadii uu maamulayay gobolka Ismaamulka Soomaalida uu si wanaagsan u maamulayay wax dambi ahna uusan ka gelin degaanka Soomaaliya.
Maxkamadeyntiisa oo shalay dhacday ayaa waxaa uu ku dalbaday in la siidaayo maaddaama uusan gelin wax dembi ah oo uu galay intii uu hayay talada Ismaamulka Soomaalida.
Cabdi Maxamuud Cumar ayaa dalbaday in xorriyaddiisa dib loo siiyo maaddaama uusan jirin dambi cad oo uu ka galay Ismaamulka Soomaalida.
Warar kale ee la xiriira maxkamadeynta Cabdi Maxamuud Cumar ayaa sheegaya in maxkamadu ay amartay Booliska inay si dhaqso ah ku baahiyaan magacyada iyo sawirada toddobo ruux oo kale oo lagu eedeeyay inay ka mid ahaayeen falal isugu jira dil, kufsi, barakicin iyo dhibaatooyin kale oo ka dhacay magaalada Jigjiga.
Diwaanka
Wararka daljir
FAALLOOYIN & FALCELIN