Madaxweyne ku-xigeenka dawladda Puntland Mudane Axmed Cilmi Cismaan Karaash ayaa xafiiskiisa ku qaabilay Saraakiil ka tirsan Hay’adda UNICEF oo ay hoggaaminayso madaxa qaybta Nafaqada ( Chief of Nutrition of UNICEF ) Melanie Galvin iyo xubno kale.
Kulanka uu la yeesahay Madaxweyne Ku-xigeenka Puntland saraakiisha ka socda hay’adda UNICIEF ayaa waxaa ku wehelinaayey saraakiil ka tirsan Madaxtooyada Puntland, waxaana ka warbixiyey kulanka Xiriiriyaha Mashruuca Kor u qaadidda Nafaqada Shacabka Puntland Maxamed Cabdisalaan Ali.
”Madaxweyne Ku-xigeenka Puntland iyo waftigu waxay ka wada hadleen sidii kor loogu qaadi lahaa heerka nafaqo ee shacabka Puntland, waxaa kaloo diiradda lagu saaray kulanka dhaq-dhaqaaqa waxyaabihii ugu danbeeyay ee u qabsoomay hay’adda dhanka nafaqada iyo qorshayaasha hadda horyaalla sidii loo dardar gelinlahaa, Madaxweyne Ku-xigeenku wuxuu uga mahadceliyey hay’adda UNICEF shaqooyinka muhiim ka ah ee ay ka hayaan Puntland” ayuu yiri Xiriiriyaha Mashruuca Kor u qaadidda Nafaqada Shacabka Puntland Maxamed Cabdisalaan Ali.
Ugu dambayn, Madaxweyne ku-xigeenka Puntland Mudane Axmed Cilmi Cismaan Karaash ayaa ku booriyey ha’ddaha ka hawlgala Puntland, bulshada rayid ka ah iyo masuuliyiinta Goleyaasha dowladda Puntland inay isugu yimaadaan kulan lagaga arrinsanayo ka hortagga Abaarta iyo Nafaqada.
FAALLOOYIN & FALCELIN