Madaxweyne Farmaajo oo kulan la qaatay Safiirka Imaaraadka Carabta ee Somaaliya

Madaxweyne Farmaajo oo kulan la qaatay Safiirka Imaaraadka Carabta ee Somaaliya

Madaxweynaha Somaliya Maxamed C/laahi Farmaajo ayaa kulan gaar ah wuxuu la yeeshay Safiirka Imaaraadka Carabta u fadhiya dalka Somaliya.

Kulanka oo ka dhacay Madaxtooyadda Villa Somaliya ayaa waxyaabaha looga wada hadlay, waxa ay ku saabsanaayeen xiriirka labada dal.

Wakaalada Wararka Imaaraadka Carabta ayaa qortay in Madaxweyne Farmaajo si wanaagsan Madaxtooyadda ugu soo dhaweeyay Safiirka, islamarkaana ay isla gorfeeyeen arrimo dhawr ah.

Inta uu kulanka socday Madaxweynaha Soomaaliya Maxamed Cabdullahi Farmaajo waxaa uu dowladda Imaaraadka, shacabka iyo madaxdaba uga mahadceliyay sida Abu-dhabi uga taageerto Soomaaliya arrimo badan, isaga oo ka sheekeeyay xiriirka taariikhiga ah ee labada dal.

Dhinaca kale, Ambassador-ka Imaaraadka Maxamed Axmed Cusmaan Al Hammadi, waxa uu Madaxweyne Farmaajo uga mahadceliyay sida uu Imaaraadka u qadariyo, isaga oo ballan-qaaday in Abu-dhabi sii wadi-doonto taageerada ay siiso Muqdisho.

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com