Madaxweynaha Hiirshabeele oo la kulmay Qayabaha Kala duwan ee Bulshada

Madaxweynaha Hiirshabeele oo la kulmay Qayabaha Kala duwan ee Bulshada

Maxamed Cabdi Waare Madaxweynaha Cusub ee dowlad Goboleedka Hir-Shabeelle oo booqasho ku maraya degmooyin ka tirsan Shabeellaha Dhexe ayaa xalay ku hoyday degmada Warsheekh ee Gobolkaas.

Waare oo kormeerkiisa ka soo bilaabay degmada Balcad ayaa ka dhagax dhigay Isbitaal ay yeelaneyso degmada kadibna uu safar dhanka dhulka ah ku tegay degmada Warsheekh.

Intaasi kadib Madaxweynaha Hir-Shabeelle oo uu wehliyo ku xigeenkiisa Cali Guudlaawe Xusseen ayaa la kulmay Masuuliyinta Maamulka degmada Warsheekh, isaga oo kala hadlay arrimo ay ka mid ahaayeen amniga, dhaqaalaha iyo waxyaabo kale.

Sidoo kale Bulshada degmada Warsheekh ayaa waxa ay u qabteen xalay Munaasabad soo dhaweyn ah, maadaama ay tahay markii ugu horeysay uu tago degmada Warsheekh Maxamed Cabdi Waare tan iyo markii la doortay.

FAALLOOYIN & FALCELIN

WORDPRESS: 0