Wafdi kasocda dowlad goboleedka Galmudug oo safar shaqo ku jooga magaalada Jigjiga ee xaruta DDS ayaa heshgiis la saxiixda maamulka madaxweyne Mustafe Cagjar.
Heshiiskan waxaa kala saxiixday, Wasiirka Amniga Gudaha, Wasiirka Ganacsiga Warshadaha iyo Taliyaha Nabadsugidda qaranka Qeybta Galmudug, Dhanka DDS waxaa u saxiixay Hogaanka Nabadgalyada, Wasiir ku xigeenka Ganacsiga iyo taliyaha gaaska 3aad ee Ciidanka Mileteriga Itoobiya.
Halkan ka Akhriso nuxurka heshiiskan:
1. Iskaashi dhanka amniga ah oo isugu jira amniga xuduudaha Galmudug iyo DDS, Dardargelinta iyo fulinta heshiisyo horey loo gaaray iyo in si wadajir ah loola dagaalamo argagixisada.
2. Iskaashi dhanka Ganacsiga iyo horumarinta Dhaqaalaha ah, gaar ahaan canshuuraha badeecooyinka isaga gudba xuduudaha labada maamul, ka hortagga maandooriyaha iyo qabashada Shirweyne ganacsi oo Galmudug ka dhaca oo ganacsatada labada dhinac ay yeeshaan.
Wasiirka amniga Galmudug Md. Axmed M. Fiqi oo gunaanadkii shirka kalimad la siiyey ayaa ka mahadceliyey soo dhowayntii diiranayd iyo martiqaadkii loo sameeyey wafdiga Galmudug, kana warbixiyey Galmudugta cusub iyo himaladeeda, iyo sidoo kale in shirkii labada maalmood socday uu ahaa mid miro dhal ah, heshiisyada la galayna ay dhinaca Galmudug ka fulin doonaan Qeybta ay ku leeyihiin, asagoo booriyey in wada shaqaynta iyo iskaashiga labada maamul uu halkaas ka sii socdo, ayna noqon doonaan shirarka labada maamul kuwa sii socda, iskaashiguna uu noqon doono mid intaan ka sii bata.
Diiwaanka wararka Radio Daljir.com.
FAALLOOYIN & FALCELIN