Gaas iyo Axmed Cali Xaashi oo Madaxtooyada ku Shiray

November 09, 2015 (Daljir) — Madaxweynaha Dawladda Puntland Dr.Cabdiweli Maxamed ayaa aqalka madaxtooyada Puntland ee Garoowe ku soo dhaweeyey gudoomiyaha cusub ee Baarlamaanka Puntland Axmed Cali Xaashi oo si dimuqraadiyad ah ugu guulaystay doorashada .

Madaxweynaha ayaa sheegay in wax lagu farxo ay tahay in doorashadii maanta ee Baaralamaanka ay u dhacdo si cad oo muuqata , islamarkaana ay tahay guul iyo horumar ay gaareen shacabka Puntland.

\’\’ Umadda Puntland meelkasta oo ay joogaan waxaa ay kaa rajeynayaan dadaal ,ka shaqeynta horumarka iyo midnimada Puntland, Golaha wakiilada waxaa ay ka rejyn in shaqadii loo idmaday sidii ay aheyd u gutaan \’\’ Ayuu yiri Madaxweyne Gaas .

\’\’ Sidoo kale waxaan u hambalyeyn xildhibaanadii kale ee tartamay , xilkasnimo ayey muujiyeen , guushana dabcan mar hadii la tartamo qof ayaa ku guulaysta , xildhibaanadana waxaan u rajeyn kheyr \’\’ Ayuu hadalkiisa sii raaciyey Madaxweyne Gaas.

Madaxweynaha Dawladda Puntland Dr.Cabdiweli Maxamed Cali Gaas ayaa u mahadceliyey gudoomiyihii hore ee Golaha wakiilada Puntland Siciid Xassan Shire , oo uu ku amaanay dadaalki shaqo ee uu soo qabtay mudadii uu xilka hayey.

\’\’ Doorashadii maanta ka dhacday Baarlamaanka waxaa ay muujinaysaa dimuqrasiyadda gaamurtay ee ay Puntland ku talaabsatay , bisaylka siyaasadeed ee ay gaareen sidoo kale shacabku \’\’ Ayuu yiri Madaxweynuhu.

 

 

Daljir.com

FAALLOOYIN & FALCELIN

WORDPRESS: 0