Somalia, December 08, 2015-(Daljir)_Madaxweyne kuxigeenka dowladda Puntland Eng Cabdixakiin Cabdullaahi Cumar Camey ayaa maanta duleedka waqooyi ee magaalada Garoowe kadhagax-dhigay xarun cusub oo ay yeelan doonto wasaaradda xanaanada xoolaha ee dowladda Puntland.
Munaasabadda dhagax-dhiga ayaa waxaa sidoo kale ka qaybgalay mas’uuliyiinta wasaaradda xanaanada xoolaha oo uu hormuud u ahaa wasiirka wasaaradda, maamulka degmada Garoowe, injineero iyo mas’uuliyiin kale oo dowladda katirsan.
Wasiirka wasaaradda xanaanada xoolaha ee dowladda Puntlamd Mudane Cabdijamaal Cismaan Maxamuud ayaa sheegay in dhismahaani uu mudo socon doono marka uu dhammaadana uu waxbadan ka bedeli doono shaqada baahsan ee ay wasaaraddu u hayso dalka Puntland.
Madaxweyne ku-xigeenka dowladda Puntland Eng Cabdixakiin Cabdullaahi Cumar Camey ayaa dhankiisa bogaadiyey shaqada wasaaradda, wuxuuna dadka dhisaya kula dardaarmay inay dhisaan dhisme wax ku’ool ah oo mustaqbalka fog dadka iyo dalka anfaca.
By: Jaamac Abdurahman
FAALLOOYIN & FALCELIN