Dowladda Faderaalka ah ee Soomaaliya ayaa deeqo ka kooban hub iyo dawooyin u dirtay maamulka Galmudug, waxaana diyaarado wada ay gaareen magaalada Dhuuso mareeb ee xarunta Galmudug.
Deeqdan ayaa timid kadib dagaalo dhexmaray Al-shabaab iyo shacabka deegaanada Maamiyo iyo Caad ee koonfurta gobolka Mudug, halkaasi oo ay Al-shabaab ugu awood sheegteen dadkii shacabka ee la dagaalamayay oo ay ka saareen deegaamadii ay ku sugnaayeen.
Maamulka Galmudug ayaa saraakiishiisa shalay gelinkii dambe kulan ay ku yeesheen magaalada Dhuusomareeb waxaa la isku raacay in maamulka Galmudug uu ka qaybgalo dagaalka Al-shabaab iyo shacabka deegaanada Caad iyo Maamiyo ee koonfurta Mudug.