Dadka Somaliyeed Way jecelyihiin Diintooda & Dalkooda (Qormo)

Dadka Somaliyeed Way jecelyihiin Diintooda & Dalkooda (Qormo)

Syl dhalin yaro soomaaliyeed oo iska diiday in dalkooda la adoonsado kana dagaalamay.

Dadka Soomaaliyeed,waa dad gob ah oo soo jireen ah. waxay ahaayeen soomaalidu dad door aad u wayn ka qaatay fidinta iyo difaaca diinta xaqa ah ee islaamka.Taariikhdu waxay sheegtay in ay afrikada madoow gaar siiyeen badankeed diinta islaamka soomaalidu. waxay ahaayeen dad leh qab iyo han sare. waxay ku faani jireen oo iskula sareeyeen diintooda iyo dhaqankooda aadka u sareeya.

Soomaalidu waligoodba waxay ahaayeen kuwo is jecel oo kaduwan noocyada kale ee afrikada iyo carabtaba,waxayna ahaayeen kuwo si wada jir ah isaga difaaca shisheeyaha. waxay ahaayeen kuwo wax isa siiya oo aan isku fiirsan gaajada iyo dhibaatada taabadalkeedana wax isu quura oo isgarab qabta waxna wada cuna. waxay ahaayeen geesiyaal hadana ah dagaal yahano.

Soomaalidu waa dad wada dhashay oo isku isir ah,waa isku af isku diin isku diir iyo isku dad,waxayna wadaagaan hal dal.hadaba qarniyadii laga adkaaday dawladihii islaamka oo dunida ay qabsadeen gaaladu,ayaa dadkii soomaaliyeed iyo dalkoodiiba la qaybiyay,oo loo kala siiyay shan gaalo , oo kala ah sidan.

1.Gaalka talyaani dhulka soomaaliyeed ee koonfurta

2.Gaalka ingiriis dhulka soomaaliyeed ee waqooyiga

3.Gaalka ahmara ee ethiopia haystay dhulka soomaali galbeed

4.Gaalka faransiis dhulka soomaaliyeed ee jabuuti

5.Gaalka kenyaati dhulka soomaalida ee dhaca waqooyi bari kenya loona yaqaan nfd(northern frontier district)

Goortii sidaa laynoo qaybinaayay macnuhu ma ahayn wax iska dhacay,ee waxay ahayd arin laga baaraan dagay oo ahayd qorshe fog oo looga hortagaayay in ay geeska afrika ka hanaqaado dawlad muslim ah suni ah oo soomaaliyeed oo xukunta bariga afrika iyo qaaradoodhan aayaha. waxaa la ogaa dhulkeena baaxadiisa,iyo tira badnida dadka soomaaliyeed,dhaqan wanaaga iyo geesinimada iyo diinta umada soomaaliyeed.

Waxaa la ogaa dhulkeenu in uu lee yahay laba badood,in uu isku xiro afrika iyo dunida carabeed ee islaamka ah in uu yahay marinka laga galo afrika. waxaa la ogaa in uu shidaal ceegaago leeyahay buuro dahab ah iyo macdan kala duwan. waxaa la ogaa in uu dalkeenu lee yahay khayraad aad u farabadan beero iyo xoolo oo macnaheedu yahay in aynu leenahay dhaqaale aan ku xukuno afrika.

Waxaa la ogaa in aynu nahay dad hal ah oo is jecel oo walaalo ah oo aan dhexdooda la gali karin lagana adkaan karin haday ilbaxaan oo dawlad noqdaan!!.

waxaa dadkeenii la qaybiyay lagu dhex faa fiyay waxaan dhaqankeenaba ahayn oo ah qabyaalad,dhac tuuganimo iyo been iyo in dadkii laga dhigo dad aan wadaagin af iyo diin iyo dal iyadoo la inkirayba in ay jireen jiraana dad soomaaliyeed. laba arimood waa in dadka soomaaliyeed aysan isku khaldin,gumaysiga ka hor waa naqiinay qabiilka laakiin xeer buu lahaa,odayaal buu lahaa runtuu ku dhaqmi jiray kiisa khaldan waa qabsan jiray,hadii lays dilo mag baa lakala qaadan jiray ama kii wax dilay waa la qisaasi jiray. kadibna cuqdad iyo ciil ma jiri jirin qabiiladuna isma nacbayn.

qofku markuu sheegto reerka uu yahay waa lasoo dhawayn jiray oo lagu qadarin jiray taa meesha waa laga saaray gumaysigii ayaa ka shaqeeyay oo u badalay xiqdi iyo xumaan iyo isnaceeb iyo qabyaalad aan dhaqankeenaba ahayn. waa dabin laynoo dhigay qabyaaladu oo ah in laynagu kala qaybiyo. Soomaalidu waa dad wanaagsan oo cadaw helay ka faa iidaysanaya aqoon yaridooda iyo habka uu u kala qaybiyay.

Soomaalidu maha dad sidaa ku hara,waa liican mase jabaan waligood.hada mudo nus qarni ah ayaa loo diidan yahay in ay noqdaan dawlad jirta,hadana waa dadaalayaan oo meel fican marayaan iyadoo gaalo oo dhami yaaban tahay.waxay qor sheeyeen in aan jabno oo rajo beelo dhulkeena la dhaxlo.

Waxaa guul inoo ah caasimadeenii MOGDISHO waa noo shahay waa jirtaa cadawgeediina waa jabay. dawlad ayaan leenahay soomaaliyeed dalbaan leenahay waa jiraa waana jiraynaa. dadkeenii waxbay barteen dhalinyaro ayaynu leenahay ciidan ayaynu leenahay baarlamaan ayanu leenahay madax iyo dawlad ayaynu leenahay.

Waxay soomaali ku balantay in wax walba oo dhexdeena ah oo gumaysi inagu soo dhex tuuray aan iska qabanaa oo iska diidnaa,waxaa loo balamay in la xoojiyo soomaalinimada wax walbana laga hormariyo dawladnimadeena cadawgu inoo diidan yahay. Aduunkana dawladnimaa wax lagu yahay. dawlad ayaana kaa celisa dawlad. waa in aan dhulkeena dhisanaa difaacanaa dawladeena taageeraa,qofkastoo soomaali ah waa waajib saaran in uu jeclaado oo taageero dawladnimada,maxaa yeelay haysku khaldina madaxda wax inoo maamulaysa iyo dawladnimada,maxaayeelay madaxwaynuhu hada waa farmaajo raysalwasaaruhu hada waa khayre hadaad jeceshahay oo aad rabto iyo hadaad necebtahay oo aadan rabin marwalba waa shaqaale bari kaa tagaya,hadaba maamulkoodu waa fiicnaan karaa oo shaqay qabankaraan wanaagsan waana xumaan karaan aan siino waqti oo aan garab istaagno iyagoo xun maxaa yeelay arinku maha iyaga ee waa dawladnimada waxaynu dhisaynaa oo garab istaagaynaa. dawladnimadana danteena guud ee soomaalinimo ayaa ku jirta.

waa in aan dalkeena u dhisnaa dawlad jirta oo shaqaysa oo dalkoo dhan hanata. waa in aan jeclaanaa dalkeena iyo dadkeena iyo diinteena waa in aan jeclaanaa dawladnimada oo u dhimanaa u huraa nafteena.markaasaan ka guulaysanaynaa cadawgeena fog.

Siyidku wuxuu u halgamaayay waxa uu ahaa geesi soomaaliyeed oo diiday in dadkiisa iyo dalkiisa la adoonsado.Adeer meesha raganimaa la rabaa iyo inaan wax iska celino ee maha sidii haweenkii in layska keen maamusho! waa in dhalin yaradu ciidamada qortaan oo naftooda huraan oo dalka difaacaan,say suuro gal ku tahay in aan lahaan wayno dawlad halka ehtiopia iyo kenya ay ka yihiin dawlad!!? waxaaan aad iyo aad uugu faraxsanahay maanta in walaalahay soomaaliyeed dal iyo dibadba kaceen oo u istaageen inay dawladnimadooda dhistaan oo dalkooda bad baadiyaan tanaa aad ii cajab galinaysa oo laabta ii qaboo jisay,maxaa yeelay waan hubaa mudo yar in soomaalidu ku dhisayso dawladnimo buuxda amaan iyo kala danbayn,kadibna ay ka hormarayso durba ehtiopia iyo kenyaba waa hubaal.

FAALLOOYIN & FALCELIN

WORDPRESS: 0