?
Garowe, July, 03 ? Allaha u naxariistee waxaa maantay aas qaran loogu sameeyay magaalada Garowe taliye ku xiggeenkii ciidanka booliska Puntland Col: C/llaahi Saalax (Nadaara) kaddib markii xalay ay dagar-qabayaal aan haybtooda la aqooni ku toogteen afaafka hore ee hotel Bulshaale oo ku yaala magaalada Garowe.
Aaska marxuunka ayaa waxaa maantay kasoo qayb-qaatay masuuliyiinta dawladda Puntland oo uu ugu horeeyo M/kuxiggeenka Puntland General C/samad Cali Shire, wasiiro, xildhibaanno, saraakiil amni, iyo qaybaha bulshada ee Garowe.
Warar madax-bannaan ayaa ku waramaya in maalintii shalay ahayd uu xilka ka qaaday marxuunka kuxiggeenka madaxwaynaha Puntland General C/samad, waxaana illaa xilligaan aan la aqoon jihada rasmiga ah ee ka dambaysa dilka marxuunka, inkastoo hay,adaha amnigu sheegeen inay wadaan baaritaanno lixaad leh.
Diiwaanka Wararka
Daljir Garowe.
U dhaaf Halcelis