Ciidanka badda Liibiya oo soo badbaadiyey muhaajiriin halka kuwo kalena lagu la’yahay xeebaha Liibiya

Ciidanka badda Liibiya oo soo badbaadiyey muhaajiriin halka kuwo kalena lagu la’yahay xeebaha Liibiya

Afhayeenka Ciiddanka Badda ee dalkaasi, Ayuub Qasiim ayaa sheegay inay shalay soo badbaaadiyeen 73 Muhaajiriin, soona saareen maydadka 2 qof oo ka mid ahaa Rakaab la socday dooni cillad ku qabsatay Xeebaha Galbeedka Libya.

Waxa uu intaasi ku daray inay Ilaaladda Xeebaha heleen dooni nooca la buufiyo oo aan lahayn wax matoor, taasi oo sabaynaysay meel 14 KM ka baxsan Xeebta Degmadda Garabuli ee dalkaasi.

Afhayeenka Ciiddanka Badda ee dalkaasi, Ayuub Qasiim waxa uu tilmaamay in dadka la badbaadiyey ay ka mid ahaayeen 8 carruur ah, halka maydadka la helay kala ahaayeen Haweeney iyo ilmo yar.

Doonidaasi oo ay la socdeen in ka badan 80 Muhaajiriin ku sii jeeday Talyaaniga ayaa waxaa la la’ yahay ilaa 10-kale oo aan la helin raqdooda iyo ruuxooda.

 

 

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com