Ciidamo katirsan Puntland oo khasaare kasoo gaaray qarax kadhacay agagaarka Galgala

Askari katirsan ciidamada Puntland ayaa geeriyooday, laba kalena dhaawac ayaa kasoo gaaray qarax kadhacay deegaanka Balli-qadar oo katirsan buuraha Calmadow ee u dhow Galgala.

Qaraxa ayaa dhacay duhurnimadii xilli ciidamada ay kusoo jeedeen magaalada Bosaaso ee xarunta gobolka Bari.

Sarkaal dhanka amaanka ayaa u xaqiijiyay radio Daljir inuu qaraxu ahaa miino dhulka la geliyay.

Dowladda Puntland ayaa dagaallo kula jirta Al-shabaab oo ku dhuumaalaysanaya deegaanada buuraha Calmadow muddo ka badan toban sano.