Ciidamada dib u xureynta deegaanka oo burburiyay Saldhigii Al-shabaab ee Tuulada Ceelgorof

Ciidamada dib u xureynta deegaanka oo burburiyay Saldhigii Al-shabaab ee Tuulada Ceelgorof

Wararka ka imaanaya Tuulada Ceelgorof oo ka mid ah tuulootinka hoostaga deegaanka Wabxo ee gobolka Galgaduud ayaa sheegaya in ciidamada dib u xureynta deegaanka ay halkaasi ka sameeyeen howlgal qorsheysan oo lagu burburiyay fariisintii Al-shabaab ku lahayeen Ceelgorof.

Ciidamada dib u xureynta deegaanka ee burburiyay Saldhigii Shabaab ee Tuulada Ceelgorof ayaa la tilmaamay iney ka dhaqaaqeen degmada Maxaas ee gobolka Hiiraan galinkii dambe ee Shalay, kuwaas oo ku guuleystay iney burburiyaan Saldhigii ugu weyna ee kooxda shabaab ku laheyd Ceelgorof oo qiyaas ahaan Waxbo u jirta 8 KM.

Saraakiil ka tirsan ciidanka dib u xureynta deegaanka oo hoggaaminaayay howlgalka ayaa warbaahinta gudaha waxay u sheegeen iney cagta mariyeen fariisinkii Shabaab ee Ceelgorof oo ay kooxda isaga carartay, islamarkaana ay sii wadi doonaan howlgalada ka dhanka ah Ururka Shabaab.

Ceelgorof ayaa laga sheegay iney ka mid aheyd meelaha ay kooxda Al-shabaab kasoo abaabulaan qaraxyada iyo weerarada ay ka geystaan degmada Maxaas iyo deegaanada kale ee hoostaga.

Dabayaaqadii sanadkii lasoo dhaafay ayay aheyd markii ciidamada dowladda Soomaaliya iyo kuwa dadka deegaanka ay Al-shabaab kala wareegeen deegaanka Waxbo, hayeeshee maalmo kooban kadib ay ciidamadii deegaankaasi qabsaday ay dib ugu soo laabteen degmada Maxaas ee gobolka Hiiraan.

FAALLOOYIN & FALCELIN

WORDPRESS: 0
WP2Social Auto Publish Powered By : XYZScripts.com